MESAZH NGUSHËLLIMI DHE SOLIDARITETI

Drejtuar Ambasadores së Gjermanisë në Shqipëri

E nderuar Shkëlqesi, Ambasadore Susanne Schütz.

Komiteti i Qendrës së Bashkëpunimit Ndërfetar në Elbasan me hidhërim të thellë mësoi për aktin e rëndë terrorist në Mynih ku humbën jetën disa qytetarë gjermanë e midis tyre tre bashkombas tanët.

Ky akt  na mbush me dhimbje të madhe për viktimat e pafajshme nga ky sulm terrorist dhe na shqetëson së tepërmi për epideminë që po përhapet nga keqpërdorues të fesë për të mbushur paplotësinë e tyre në jetë..

Ne Ju shprehim solidaritetin tonë dhe ngushëllimet e të gjithë besimtarëve tanë për familjet e jetëve të humbura duke dënuar njëkohësisht me indinjatë të thellë këto akte vrastare makabre.

Ne besojmë fort mirë se zëri i arsyes dhe i ndërgjegjes njerezore do të triumfojë mbi klithmën e terrorit, krimit dhe mllefit njerëzor por të gjithë së bashku duhet të mos reshtim për të zhdukur shkaqet dhe ideatorët e këtyrë mënxyrave.

Me lutjen që shpirtrat e tyre të prehen në paqë urojmë që populli gjerman, së bashku me komunitetin europian e botëror të gjejmë forcë për të përballuar me solidaritet e vëllazëri me shpresën për të ndërtuar një të ardhme paqësore dhe pa urrejtje që sjell këtë terrorizëm.

Me pikëllim për jetët e humbura

Komiteti i QBNF ELBASAN

dr. Arben Ramkaj              kryetar          – Bashkësia yslimane

Don Emilio Valente             n/kryetar     – Famullitar Kisha Katolike

Haxhi Agim Duka               anëtar            – Myftiu i Elbasanit

At Gjergji Trbicka               anëtar           –  Kisha Ortodokse

Baba Faik Selmani              anëtar           –  Bashkësia Bektashiane

At Stavri Çipi anëtar           anëtar          – Kisha Ortodokse

Dervish Ardit Muçodemi     anëtar         – Bashkësia Bektashiane

Sokol Lulgjuraj          – kordinator / anëtar      –  Kisha Katolike