Sapo përfundoi  webinari i organizuar nga Instituti i Studimeve Ndërfetare me Qendrën e Bashkëpunimit Ndërfetar, mbi Marrëveshjen Ndërkombëtare të Vëllazërimit Njerëzor.

Folësi kryesor ishte Dr. Arben Ramkaj, i cili shpjegoi qartë zanafillën dhe shtysën e kësaj marrëveshje historike të nënshkruar nga Papa Françesku dhe Imami i Madh i Al-Azhar Ahmad Al-Tayyeb, e ratifikuar dhe me një rezolutë të Kombeve të Bashkuara në datën 21 dhjetor 2020, ku është caktuar data 4 shkurt si dita ndërkombëtare e Vëllazërimit Njerëzor.

Kjo marrëveshje ashtu si dhe rezoluta e Kombeve të Bashkuara, shprehin një shqetësim të thellë për veprimet që avokojnë dhe përcojnë urrejtje fetare dhe kështu minojnë dhe dëmtojnë frymën e tolerances dhe respektit për diversitetin, veçanërisht në një kohë kur bota përballet me krizën e pa preçedentë të shkaktuar nga pandemia e sëmundjes së koronavirusit (COVID-19), që kërkon një përgjigje globale bazuar në unitetin, solidaritetin dhe bashkëpunim multilateral më të madh.

Pra kjo Deklaratë është një ftesë për pajtimin dhe vëllazërinë ate qe deklarata e konsideron vellazerim njerzor midis të gjithë besimtarëve, madje mes besimtarëve dhe jobesimtarëve, dhe mes të gjithë personave me vullnet të mirë;

të jetë një thirrje për çdo ndërgjegje të gjallë që të kundërshtojë dhunën rravguese dhe ekstremizmin e verbër; thirrje për atë që do vlerat e tolerancës dhe të vëllazërisë, të premtuara dhe të inkurajuara nga fetë; të jetë një dëshmi e madhështisë së besimit në Hyjin që njëson zemrat e ndara dhe lartëson shpirtinnjerëzor;të jetë një simbol i përqafimit mes Lindjes dhe Perëndimit, mes Veriut dhe Jugut e mes të gjithë atyre që besojnë se Hyji na ka krijuar për të na njohur, për të bashkëpunuar mes nesh e për të jetuar si vëllezër që duhen.