Kush është Qendra Ndërfetare Elbasan?
Qendra e Bashkëpunimit Ndërfetar në Elbasan (QBNFE) është Organizatë Jo Fitimprurëse (OJF) e themeluar nga udhëheqësit shpirtërorë të katër komuniteteve fetare tradicionale të Qarkut të Elbasanit, përkatësisht nga Komunitetet; Mysliman, Ortodoks, Bektashi dhe Katolik.
QBNFE është legjitimuar juridikisht nga Gjykata e Rrethit Gjyqësor Tiranë në Republikën e Shqipërisë me Vendimin Nr. 347 në datë 22 Dhjetor 2004 duke u regjistruar si Person Juridik, me NUIS L62906331D, që ka si objekt të veprimtarisë “krijimin e mundësive reale për dialog dhe bashkëpunim të vazhdueshëm midis udhëheqësve fetarë dhe komuniteteve të tyre për të rritur dhe forcuar gjithnjë e më tej mirëkuptimin dhe bashkëjetesën fetare në vend e më gjërë, si edhe për të penguar individë e grupime të ndryshme që keqpërdorin fenë në dëm të shoqërisë dhe njerëzimit”. Në vitin 2018 QBNFE-së iu bashkua edhe komuniteti i pestë fetar, Vëllazëria Ungjillore.
Komiteti Ndërfetar aktual
“Besimi ndihmon atë që e mbart këtë virtyt duke e bërë të dobishëm
për veten dhe të tjerët”.
sokol lulgjuraj
Që në hapat e para të krijimit QBNFE ka kryer dhe vazhdon të kryejë një sërë aktivitetesh në dobi të bashkësive tona nën frymën e njohjes dhe dialogut të ndërsjelltë në respekt të vlerave individuale dhe kolektive të gjithsecilit.